Муштариёни муҳтарам!

ҶСП «Вавилон-Мобайл» дар доираи ташаббусҳои Президенти Ҷумҳурии Тоҷикистон, ки солҳои 2025-2030-ро «Солҳои рушди соҳаи телекоммуникатсия ва иқтисодиёти рақамӣ» эълон кард, ҷиҳати татбиқи стратегияи давлатии рушди иқтисодиёти рақамӣ ва таҷдиди инфрасохтори телекоммуникатсия фаъолона саъю кӯшиш ба харҷ медиҳад.

Дар робита ба ин, ширкат маҷмӯи корҳои техникиро ҷиҳати навсозии шабака, гузаштан ба қарорҳои нави технологӣ ва ҷорӣ намудани хизматрасониҳои замонавӣ анҷом дод. Ин чорабиниҳо ба баланд бардоштани сифат ва эътимоднокии алоқа, васеъ кардани имкониятҳо барои муштариён, инчунин омода кардани инфрасохтор барои ҷорӣ намудани хизматрасониҳои инноватсионии рақамӣ дар оянда нигаронида шудаанд.

Корҳои зикршуда барои баланд бардоштани эътимоднокӣ ва иқтидори шабака, таъмини кори муътадил бо афзоиши минбаъдаи базаи муштариён, инчунин барои фароҳам овардани заминаи технологии ҷорӣ намудани хизматрасониҳои муосири рақамӣ аҳамияти бунёдӣ доштанд.

Дар давраи навсозӣ бархе аз муштариён дар истифодаи хизматрасониҳои алоқа бо маҳдудиятҳои муваққатӣ рӯбарӯ шуданд. Махдудиятҳои мазкур хусусияти соф техникӣ дошта, ҳангоми иҷрои корҳои ин миқёс ногузир буда, тахти назорати доимии мутахассисон буданд.

Дар айни замон марҳилаи аввали муҷаҳҳазгардонӣ анҷом ёфта, шабака дар реҷаи муқаррарӣ фаъолият мекунад. Дар натиҷаи гузаронидани корҳои навсозӣ таъмин карда мешаванд:

• баланд бардоштани сатҳи устуворӣ ва сифати алоқа;
• оптимизатсияи захираҳои шабака;
• омода сохтани инфрасохтор барои ҷорӣ намудани технологияҳои нав, аз ҷумла хизматрасониҳои рақамии умедбахш ва ҳалли насли навбатӣ;
• VoLTE
• VoWiFi
• Пуштибонии 5G
• виртуализатсияи функсияҳои шабакавӣ (NFV)
• интегратсия бо хизматрасониҳои нав ва системаҳои OSS/BSS

ҶСП «Вавилон-Мобайл» барои нороҳатиҳои муваққатӣ узр мехоҳад ва таъкид менамояд, ки корҳои гузаронидашуда марҳилаи аввали барномаи васеи навсозӣ мебошанд. Минбаъд чорабиниҳои техникии марҳила ба марҳила анҷом дода мешаванд ва гузаштани чунин маҳдудиятҳои муваққатӣ шарти зарурӣ барои ба анҷом расонидани навсозии пурраи шабака мебошад.

Ин иқдомот ба таҳкими инфрасохтори миллии телекоммуникатсионӣ мусоидат намуда, пояи рушди минбаъдаи бахши рақамии кишварро фароҳам меоранд.